Dukh dard me hamesha nikaaly tmhary khat...(by WASI SHAH)

Dukh dard me hamesha nikaaly tmhary khat..
Or mil gai Khushi to uchaaly tmhary khat...
Sb chooriyan tmhari samandar ko sonp di..
Or kar diyay hawa k hawaaly tmhary khat...
Mere lahu me goonj raha hy hr aik lafz..
Mene raggo k dasht me paaly tmhary khat...
Yun to hyn beshumar wafa ki nishaniyan..
Lekin har aik shay se niraaly tmhary khat...
Jese Ho umer bhar ka asaasa ghareeb ka..
Kuch is tarha se mene sambhaly tmhary khat...
Ehl.e.Hunar ko mujh pe WASI aiteraaz hy..
Mene Jo apne shyr me dhaaly tmhary khat...
Parwa mujhy nahi hy kisi chaand ki WASI..
Zulmat k dasht me hyn ujaaly tmhary khat...                                           
                                    
                                              WASI SHAH

(MIRZA GHALIB)....ہے بس کہ ہر اک ان کے اشارے میں نشاں اور

ہے بس کہ ہر اک ان کے اشارے میں نشاں اور

کرتے ہیں مَ حبّت تو گزرتا ہے گماں اور

یارب وه نہ سمجھے ہیں نہ سمجھیں گے مری بات

دے اور دل ان کو، جو نہ دے مجھ کو زباں اور

ابرو سے ہے کیا اس نگہِ ناز کو پیوند

ہے تیر مقرّر مگر اس کی ہے کماں اور

تم شہر میں ہو تو ہمیں کیا غم، جب اٹھیں گے

لے آئیں گے بازار سے جا کر دل و جاں اور

ہر چند سُبُک دست ہوۓ بت شکنی میں

ہم ہیں، تو ابھی راه میں ہیں سنگِ گراں اور

ہے خوںِ جگر جوش میں دل کھول کے روتا

ہوتے جو کئی دیدۀ خو نبانہ فشاں اور

مرتا ہوں اس آواز پہ ہر چند سر اڑ جاۓ

جلاّد کو لیکن وه کہے جائیں کہ ‘ہاں اور’

لوگوں کو ہے خورشیدِ جہاں تاب کا دھوکا

ہر روز دکھاتا ہوں میں اک داغِ نہاں اور

لیتا۔ نہ اگر دل تمھیں دیتا، کوئی دم چین

کرتا۔جو نہ مرتا، کوئی دن آه و فغاں اور

پاتے نہیں جب راه تو چڑھ جاتے ہیں نالے

رُکتی ہے مری طبع۔ تو ہوتی ہے رواں اور

ہیں اور بھی دنیا میں سخنور بہت اچھّے

کہتے ہیں کہ غالبؔ کا ہے اندازِ بیاں اور

(MIRZA GHALIB)....حسن غمزے کی کشاکش سے چھٹا میرے بعد

حسن غمزے کی کشاکش سے چھٹا میرے بعد

بارے آرام سے ہیں اہلِ جفا میرے بعد

منصبِ شیفتگی کے کوئی قابل نہ رہا

ہوئی معزولئ انداز و ادا میرے بعد

شمع بجھتی ہے تو اس میں سے دھواں اٹھتا ہے

شعلۂ عشق سیہ پوش ہوا میرے بعد

خوں ہے دل خاک میں احوالِ بتاں پر، یعنی

ان کے ناخن ہوۓ محتاجِ حنا میرے بعد

درخورِ عرض نہیں جوہرِ بیداد کو جا

نگہِ ناز ہے سرمے سے خفا میرے بعد

ہے جنوں اہلِ جنوں کے لۓ آغوشِ وداع

چاک ہوتا ہے گریباں سے جدا میرے بعد

کون ہوتا ہے حریفِ مۓ مرد افگنِ عشق

ہے مکّرر لبِ ساقی میں صلا میرے بعد

غم سے مرتا ہوں کہ اتنا نہیں دنیا میں کوئی

کہ کرے تعزیتِ مہر و وفا میرے بعد

 تھی نگہ میری نہاں خانۂ دل کی نقاب

بے خطر جیتے ہیں اربابِ ریا میرے بعد

تھا میں گلدستۂ احباب کی بندش کی گیاه

متفرّ ق ہوۓ میرے رف قا میرے بعد

آۓ ہے بے کسئ عشق پہ رونا غالبؔ

کس کے گھر جاۓ گا سیلابِ بلا میرے بعد

(MIRZA GHALIB)....عرضِ نیازِ عشق کے قابل نہیں رہا

عرضِ نیازِ عشق کے قابل نہیں رہا

جس دل پہ ناز تھا مجھے وه دل نہیں رہا

جاتا ہوں داغِ حسرتِ ہستی لیے ہوئے

ہوں شمعِ کشتہ درخورِ محفل نہیں رہا

مرنے کی اے دل اور ہی تدبیر کر کہ میں

شایانِ دست و خنجرِ قاتل نہیں رہا

بر روۓ شش جہت درِ آئینہ باز ہے

یاں امتیازِ ناقص و کامل نہیں رہا

وا کر دیے ہیں شوق نے بندِ نقابِ حسن

غیر از نگاه اب کوئی حائل نہیں رہا

گو میں رہا رہینِ ستم ہاے روزگار

لیکن ترے خیال سے غافل نہیں رہا

دل سے ہوائے کشتِ وفا مٹ گئی کہ واں

حاصل سواے حسرتِ حاصل نہیں رہا

 جاں دادگاں کا حوصلہ فرصت گداز ہے

یاں عرصۂ تپیدنِ بِسمل نہیں رہا

ہوں قطره زن بمرحلۂ یاس روز و شب

جُز تارِ اشک جادۀ منزل نہیں رہا

اے آه میری خاطرِ وابستہ کے سوا

دنیا میں کوئی عقدۀ مشکل نہیں رہا

بیدادِ عشق سے نہیں ڈرتا مگر اسدؔ 

جس دل پہ ناز تھا مجھے وه دل نہیں رہا

(MIRZA GHALIB)....پھر مجھے دیدۀ تر یاد آیا

پھر مجھے دیدۀ تر یاد آیا

دل، جگر تشنۂ فریاد آیا

دم لیا تھا نہ قیامت نے ہنوز

پھر ترا وقتِ سفر یاد آیا

سادگی ہائے تمنا، یعنی

پھر وه نیرنگِ نظر 45 یاد آیا

عذرِ واماندگی، اے حسرتِ دل!

نالہ کرتا تھا، جگر یاد آیا

زندگی یوں بھی گزر ہی جاتی

کیوں ترا راه گزر یاد آیا

کیا ہی رضواں سے لڑائی ہوگی

گھر ترا خلد میں گر یاد آیا

آه وه جرأتِ فریاد کہاں

دل سے تنگ آکے جگر یاد آیا

پھر تیرے کوچے کو جاتا ہے خیال

دلِ گم گشتہ، مگر، یاد آیا

کوئی ویرانی سی ویرانی ہے

دشت کو دیکھ کے گھر یاد آیا

میں نے مجنوں پہ لڑکپن میں اسدؔ

سنگ اٹھایا تھا کہ سر یاد آیا

(MIRZA GHALIB)....نہ تھا کچھ تو خدا تھا، کچھ نہ ہوتا تو خدا ہوتا

نہ تھا کچھ تو خدا تھا، کچھ نہ ہوتا تو خدا ہوتا

ڈُ بویا مجھ کو ہونے نے، نہ ہوتا میں تو کیا ہوتا

ہُوا جب غم سے یوں بے حِس تو غم کیا سر کے کٹنے کا

نہ ہوتا گر جدا تن سے تو زانو پر دھرا ہوتا

ہوئی مدت کہ غالبؔ مرگیا، پر یاد آتا ہے

وه ہر اک بات پر کہنا کہ یوں ہوتا تو کیا ہوتا

(MIRZA GHALIB)....درد مِنّت کشِ دوا نہ ہوا

درد مِنّت کشِ دوا نہ ہوا

میں نہ اچھا ہوا، برا نہ ہوا

جمع کرتے ہو کیوں رقیبوں کو

اک تماشا ہوا، گلا نہ ہوا

ہم کہاں قسمت آزمانے جائیں

تو ہی جب خنجر آزما نہ ہوا

کتنے شیریں ہیں تیرے لب ،"کہ رقیب

گالیاں کھا کے بے مزا نہ ہوا"

ہے خبر گرم ان کے آنے کی

آج ہی گھر میں بوریا نہ ہوا

کیا وه نمرود کی خدائی تھی؟

بندگی میں مرا بھلا نہ ہوا

جان دی، دی ہوئی اسی کی تھی

حق تو یوں ہے کہ حق ادا نہ ہوا

زخم گر دب گیا، لہو نہ تھما

کام گر رک گیا، روا نہ ہوا

رہزنی ہے کہ دل ستانی ہے؟

لے کے دل، "دلستاں" روانہ ہوا

کچھ تو پڑھئے کہ لوگ کہتے ہیں

آج غالبؔ غزل سرا نہ ہوا