Us Bewafa Ka Shehr Hai Aur Hum Hain Dosto
Ashk-E-Rawa'n Ki Nehar Hai Aur Hum Hain Dosto
Ye Ajnabi Si Manzilein Aur Raftaga'n Ki Yaad
Tanhaiyo'n Ka Zehar Hai Aur Hum Hain Dosto
Laayi Hai Ab Uraa Ke Nayi Mausamo'n Ki Baas
Barkha Ki Rutt Ka Qehar Hai Aur Hum Hain Dosto
Phirtay Hain Misl-E-Mauj-E-Hawa Shehr Shehr Main
Aawargi Ki Lehar Hai Aur Aur Hum Hain Dosto
Shaam-E-Alam Dhalli To Chali Dard Ki Hawa
Raato'n Ka Pichhla Pehar Hai Aur Hum Hain Dosto
Aankho'n Main Urr Rahi Hai Luti Mehfilo'n Ki Dhool
Ibrat Sara-E-Dehar Hai Aur Hum Hain Dosto...!!!
(MUNIR NIAZI)
No comments:
Post a Comment